Liebe Rosa....vor 14 Toge waren Nic und i no bei Dir in Trens...Du hosch uns zwoar nimma gekennt oba trotzdem woasch Du do auf da Couch auf dein Platzl.... hosch olm hergschaut ze uns...gspiat hosch gonz sicha no dass ma do sen vielleicht auf unsra Stimmen....na wenn i denk Rosa wia ma in Jesolo woarn mir 2 hom ollm grostet bei oana Bar...de Jungen sen sich de Haxn ausglofn und mia zwoa sen ghuckt und homs uns guat gehn lossn a scheane Zeit woar des...und dir hots so gfolln aufn Meer...wies zen hoamfoahrn woar hosche na gsogt i hon lochn miassn...und wia oft Du mit da Sylvia bei mir in Lienz gewesn bisch ....entn im Zimmer hosch gschlofn hetz wenn i umme ge is leer is oanzige wos no steckt in da Steckdosn is Dei Nochtliacht was ollm ghobt hosch...Dei Platzl ba mir auf der Couch wo du deine täglichen Rostalen gmocht hosch is leer...dei Platzl nebm mia auf da Eckbonk is leer... oba des sen hetz Erinnerungen de bleibm de niamand nehmen konn...wenn i in Summer in de Eisdiele ge wo du so gern gwesn bisch sem Rosa iss i an Eisbecher auf di und vielleicht is a der Tisch frei wo ma olm ghuckt sen und Leit gschaut hom oft homa glocht üba de Gstoltn wos ma gsegn hom...Rosa i mecht mi a gonz viel bei dir bedonkn dass i in enkan Haus olm willkommen woar und du gschaut hosch und olm gfrogt ob i Kaffee will...es woar a schöne Zeit mit dir...Danke dir dafür...obwohl i da von Herzn dei Ruhe gönn fahlst du decht...oba hetz bisch beim Franz und in Kaisa des hobes es hetz gonz fein do drübm....Rosa mochs gut kimm guat hoam in dei neue Hoamat...noamol Danke Danke für olls...mia werdn dk nie vagessn. A letztes Pfiati...Sonja mit Nic

Rosele, Mame...

Mir 2 hobn a aufregende Zeit mitnond kop...
Oftramol wia Feuer und Wossa, oba zomgholtn homa wia Pech und Schwefel...
Wia da Franz no wor, wor uanfoch die Zeit wosi für di kop hob weniger, i denk zu wenig...
Die Johre danach, hobn mir nochgholt, wos zuerst zu wenig wor... und sein fest zomgwochsn...
Die letztn Monate, hobm mir a sehr enge und tiefe Bindung kop, mehr als oll die Johre davor, dafür mecht i danke sogn...
Du worsch mei Weibile, oftramol mei Zwiederwurze,...
I bin dir dankbar, für olls, gutes wie lehrreiches, i mecht kuane Minute von de gonzn Johr nit ghob hobn...
I hob di unmeglich gern kop... a wenns oftramol gekrocht hot bei uns...
Iaz, bisch nima do. De Leere, de Stille, schwer zu ertrogn. Franz u du, es words unser Lebensinhalt... Es wor a schwere oba unmeglich a erfüllende und schiane Aufgobe.
I sitz do u schau auf dei Platzl, wos iaz leer is... kuan Lächeln mehr, nima sogn kenen: Wort, i hilf dir... mei Weibile is uanfoch weg... nima do... niamand mehr, wos mi brauch... mir nimms die Luft wenn i in die Wohnung kim... mei Herz is a Stickl gebrochen, mit dein einschlofn... Du worsch mehr als lei mei Schwiegermutti und i wer di nia vagessn...
Mame, es wor mir eine Ehre, di auf deinen Weg begleiten zu dürfen, di im Orm zu holtn wia du olm schwächer wordn bisch, dir di Hond zu holtn, wia du dein Huamweg ongetretn bisch und di voller Liebe los zu lossn wia du bereit worsch...
Danke Mame für olls, wer di olm in Ehren holtn! I wünsch dir a guate Reise, bisch iaz bei de Leit, wos du so vamisst hosch!

Dei schwierige Schwiegertochter
Sylvia