Lieber Konny,
Es isch für ins so traurig. Du woarsch oanfoch a Unikum, gonz a lieber Typ. Hosch olm gewisst wie du die Lait begeistern gekennt hosch. Monchmol hobn mer a lai in Kopf schütteln miessn, ober du hosch olm s Herz am richtigen Fleck kop.
Gerne tien mer ins no an vergangene Tage zurückerinnern.
Leider isch es dr nimmer gelungen zruck zu kemn, du bisch oanfoch a Schramiger und jetzt bisch wieder do, wo du so gern worsch.
Wir wünsch der, do wo du jetzt bisch a schiene Zeit und grieß ins die ondern olle.
Mochs guet
Toni und Wally

Lieber onkel i wünsch dir alles gute zum 60. geburtstag. schode dass es iatz schun zu ende isch du worsch so a toller und lebensfroher mensch hon di ollm bewundert wia positiv du worsch. mir vermissen di olle so unmeglich. i konn mi no so guat erinnern als wars gestern gewesen wia vor mir mit dein broaten lochen gstontn bisch und gsog hosch: hanna tua in mund zua sischt fliag is vegele eini oder in dor friah wenn i di gsechn hon hosch ollm gsog isch is fixl schun kemmen und wia mor ollm über deine witze lochen gekennt hobm.. du worsch oanfoch ba jeden bledsinn zu hobm. du hosch gonz a groaße lücke ba mir hinterlossn ober es worn viele erlebnisse wo i mit a lochen zrug denken konn..
vermiss di!
Deine Hanna

Lieber Konny!
Heint warsch du 60 giwordn.
Deine Giburtstogsfeier hobm mir ins olle onderscht vorgstellt. Normalerweise mit viel Freinde und morts Tumult. So hosch du es olm am liebschtn kob. Die meischtn glab i denkn an Konny zrug, der immer guat augleg und luschtig wor, und so welln mir ins di a in Erinnerung koltn. Bol du va Schramboch weck bisch, isch es do ruhiger giwordn. Du hosch des seltene Talent kob, olm Leit um dir zu hobm. Mit dir wor olm wos los. Die Kollegen und deine Kinder worn dir des wichtigschte, und Freindschoftn hosch du a olm gipfleg.
Der Drong noch Anerkennung, glab i, isch des giweisn, wos dir zum Verhängnis giwordn isch. Im Grunde worsch du olm a guater Mensch, der niemand epis zu Loade tien gikennt und giwellt hot. Leider sein einige Sochn net so gongen, wia du dirs vorgstellt hosch.
Schode, dass du so fria va ins gongen bisch, ober i glab net, dass du mechsch, dass mir traurig sein. Mir welln di so in Erinnerung koltn, wia du worsch: luschtig, gsellig und olm guat drau.
Pfiati Konny
Dein Bruader Eberhard

Hoi Konni
Heint zu dein 60. Gebutstog hätt mr in olte Zeitn a tolle Fete gstartet. Obr iatz isch aols ondersch. Do wo du iatz bisch, in einer friedlichen Stille hear i deine Worte: Jo wo bischen du aolm? Sel sog i dir noachr bold mir ins wiedr segn. I bin iatz im Gedanken oft ba dir und hoffe dass du dein Frieden jetzt gfundn hosch. Konni nia wer i vergessn welche Hetz mir do ba ins kopp hobn und dein eizigartiges Laochn werdn mi immer begleiten. Danke no a mol fir deine Freindschoft und die Zeit de woass mir mitanond verbrocht hobn.
Traurig möchte ich Euch , Mathilde, Geschwister, Kinder, Claudia, Enkelkinder und Gabi mein tiefempfundenes Beileid ausdrücken.
Baur Klaus

Lieber Konni alles gute zum Geburtstag,worsch olm a netter Kumpl.Mochs guat.Aufrichtige Anteilnahme

Hoi Konni,

i konns olm no net glabn, dass du nimmer do bisch. Heint hesch deinen 60iger gfeiert, ober es wor dir nimmer vergönnt, so schode. Du worsch so a toller Mensch und nou a besserer Freind. Von dir hot man alles hobn gekennt. Du worsch do, in guaten und in schlechten Zeiten. Wols mir net guat gongen isch, hesch du mir sogor a Niere gebn, sel sog olles. Wos hobm mir oft welchen Spaß kop und dei tollen Erinnerungen konn ins niamand nemmen, insere Freundesgruppe wor gewaltig. Danke für deine Freundschoft, i wer di nia vergessen und amol seg mir ins wieder. Pfiati Konni und schaug af deine Lieben.
Helli mit Familie